Mendele Review  page 2

zi halt im baym hentl un entfert nisht.

- vos heyst dos?! zi entfert nisht.  gey ikh tsu un vil im nemen, halt zi im un zogt unter der noz:

- ikh vel im aleyn tsvogn.

- nays! vos heyst du, du vest im tsvogn? mir iz shoyn arayn epes in der noz. ikh shlep s'yingl un zi halt im. ikh batrakht zi a por minut un freg:

- vos epes plutsling iz dir arayn in kop zikh aleyn tsvogn un im tsvogn?

- s'a rakhmones oyf der mamen -- entfert zi mir.

- vos a rakhmones oyf der mamen?

- s'a rakhmones oyf der mamen. zi horevet un darf dir gebn esn.

- nu?

- un az ikh vel zikh aleyn tsvogn un onton yankelen mit mindelen, vestu konen geyn epes fardinen.

- vos?

zi entfert nisht.

- du vest onton yankelen mit mindelen? zey gebn esn, tsuroymen di shtub?

- a vazhne mitsotse! un du vest konen geyn fardinen!

shoyn! es iz shoyn bay ir gor keyn metsie nisht! vos ikh mordeve zikh on a gantsn tog. vos ikh arbet! di kleyne rayst mir tsen mol a tog di bord oys. ikh ver heyzerik, eyder ikh farvig zi. zogt zi gor az es iz gor keyn metsie nisht. fardinen shikt zi mikh! heyst dos, do fardin ikh mir mayn esn nisht. an umzister eser bin ikh! un zi vil farnemen mayn shtele. un vos vel ikh ton, vuhin zol ikh geyn? far a nyanke saydn? far a nyanke! oyf vos den toyg ikh? ober neyn, ikh vel dos nisht derlozn! vos heyst, aza shnek zol mikh traybn fun shtub? zi vet gikher avekgeyn fun danen, eyder ikh. dortn, vu es geyt shoyn vegn parnose, vegn broyt, vel ikh mir shoyn nisht lozn shpayen in der kashe. oyf toyt un lebn vel
ikh geyn!

- kum nor aher! ver hot dos dir geheysn zogn? di mame?

- neyn, aleyn!

- aleyn?

- ikh zog, aleyn.

- vos heyst aleyn? aleyn zogstu dos? di mame hot dos dir nisht geheysn
zogn?

- neyn!

- neyn??

- neyn!

- heyst dos, zogstu dos aleyn?

- aleyn! di mame hot dos mir nisht geheysn zogn!

- heyst dos, vilstu mikh aroystraybn fun shtub? entfert zi nisht. ikh khap zi on baym tsop:

- du veyst, zog ikh, az ikh bin dir a tate?

zi pruvt zikh aroysraysn.

- du veyst, zog ikh ir, az ikh bin dir a tate? un a tate -- vos er vil, kon er ton mit zayn kind, afile teytn dikh. du veyst, az a tate iz mekhuyev tsu shtrofn zayn kind, un oyb s'geyt nisht in rekhtn veg, meg
er dos afile hargenen, veyst?!

vayzt oys, az ikh hob shtark geshrien, vayl dos kind hot zikh oyfgekhapt. zi hot zikh gegebn a ris oys fun mayne hent, iz tsu tsum kind un es genumen farvign un tsuzingen mit dem lidl, vos ikh zing es.
do bin ikh shoyn gor fun di keylem aroys. vos far a rekht hot zi tsu farvign dos kind mit mayns a lidl, a lidl vos ikh hob es aleyn oysgeklert? oyb azoy... ikh bin mit feste trit tsugegangen tsum vigl, zi
gegebn a shtoys op un aleyn genumen farvign dos kind:

oy lyu-lyu, meydele,
di mame vet dikh makhn a kleydele,
der tate vet dir vashn dos kepele,
di mame vet dir brengen an epele,
farmakh, farmakh di eygelekh,
di mame vet dir brengen beygelekh,
oy lyu-lyu, un lyu-lyu.

nishkoshe, zi vet, dakht zikh mir, oyslebn ale ire yorn un zi vet azoy nisht farvign a kind, vi ikh.

- megst geyn fun danen! -- shist zi plutsling oys -- ikh kon aleyn farvign dos kind!

e-e-e, ot vu es halt shoyn! nu, oyb azoy, vel ikh zikh shoyn mit dir oprekhenen! ikh khap arop dem pasik fun di hoyzn un mit ale koykhes -- ibern kop, ibern ponem, iber der pleytse, na, na, na, vest visn, vi azoy tsu zayn an azes-ponem antkegn a tatn, vest visn! vest visn! vest mikh
shoyn hobn tsu gedenken! vest mikh shoyn hobn tsu gedenken.

di tsvey klenere khevre hobn zikh tsekvitshet, oyf ir kukndik, un dos hot shoyn mikh gor fun geduld aroysgebrakht: ikh bin geshprungen fun eynem tsum tsveytn un geharget, vifl es iz nor arayn. nokh dem hob ikh zikh aleyn ongehoybn tsupn bay der bord. ikh bin tsugegangen tsum fentster, zikh ongeshpart mit di elnboygns un hob zikh tseveynt.

far nakht, ven di muter iz gekumen, zaynen zey zi bald bafaln un yederer bazunder hot oyf zayn loshn ongehoybn dertseyln, vi azoy ikh hob zey geshlogn, un hobn zikh fun dos nay tseveynt. dos oysherndik, hot zi zikh, dos vayb mayns, vi a klots a zets gegebn oyfn bet, avekgeshtelt di
elnboygns oyf di kni un oyf di hent ongeshpart dem kop, un hot fun tsayt tsu tsayt oyf mir gevorfn a bitern kuk, fun velkhn es iz mir yedes mol farkilt gevorn dos blut.

- vos vet zayn der sof? -- hot zi plutsling a freg geton, oyfheybndik dem kop mit di ful ongegosenen oygn, vi di kaluzhes.  ikh hob geshvign.

- vos vet zayn? freg ikh dikh... vos hob ikh ir gekont entfern?

- du veyst, az m'darf dikh opshikn in meshugoim-hoyz?

ikh hob ir davke gevolt fregn: far vos halt zi dos mikh far a meshugenem? eyn mol shlogt a tate kinder?

- ikh bet dikh: ikh hob dikh aza tsayt oysgehaltn, gegebn esn un trinken, kleyder un shikh. shoyn elf yor nokh undzer khasene! di gantse tsayt hostu afile oyf keyn eyn varmes nisht fardint. ikh bin azoy
shvakh, azoy tsebrokhn, koym vos di neshome halt zikh in mir. vos hostu zikh ongeleygt oyf mir? nisht genug, vos ikh darf hodeven di kinder, darf ikh nokh dir gebn esn? vu-zhe iz dos gehert gevorn?

- mir hobn zikh azh trern in di oygn geshtelt. ikh hob zi nokh keyn mol azoy nisht gehert reydn!

- mirele, -- hob ikh zikh bay ir gebetn: -- zi hot mikh azoy baleydikt, zi hot mikh getribn fun shtub. ikh bin dokh a tate, s'tut dokh mir vey dos harts! an eygn kind traybt dem tatn fun shtub. nu, vu iz dos gehert gevorn? nu, zog du aleyn!

- vos-zhe far a mansbil zitst in der heym un kukt aroys, dos vayb zol im gebn esn?

- dos hostu ir geheysn zogn? zi hot mikh ongekukt, kentik -- nisht farshtanen, vos ikh freg ir.

- dos hostu ir geheysn mir traybn fun shtub? shvaygt zi mit shvaygenish, ziftst mit zifenish un kukt oyf mir mit aza kukn, az s'glivert in mir dos blut.

- dos hostu ir geheysn aleyn tsvogn di kinder? zi kon den tsvogn di
kinder? zi kon den afile a minut haltn dos kind in di hent?

- ikh kon beser fun im! -- shrayt oys di kleyne.

- o, vi lang krenkstu, du khatsufe du! du konst nor zayn a sheygets akegn tatn!

- un er kon zi nor shlogn!

- nu, yo, a? zitst? es art dikh nisht, dernokh vet zi dir reydn antkegn. lomir zen, du zolst tsugeyn ir gebn etlekhe petsh.

- ikh bet dikh, zolst avekgeyn fun mir! herst? -- shrayt oys mayn vayb.

un mit dem hot zikh geendikt. zi hot a por mol opgeziftst un zikh geleygt shlofn.

un ikh bin vayter geblibn oyf mayn shtele. di kleyne loz ikh tsum kind nisht tsu. un in shtub loz ikh zi oykh gornisht ton. afile zikh aleyn tsvogn loz ikh zi nisht. un ven ikh kem zi, rays ikh ir oys ale hor fun
kop.

* * *

danken got! ikh hob zikh shoyn oyf a shtik tsayt gevornt: mayn eyntsiker oyskuk iz geven, mayn vayb zol hobn a kleyns, demolt volt ikh shoyn gor keyn moyre nisht gehat far mayn konkurentke. ikh ze dokh shoyn, az zi vil mikh patren fun der shtub. zi hot zikh afile aroysgeredt, far vos:
a tsaygn kleydl, vil zi, zol ir di muter makhn, hot ir muter mistame gezogt, az zi kon ir nisht makhn, farshteyt zi, aza kleyne, az dos iz iber mir. zi veyst: ven zi blaybt aleyn in shtub, muz ir shoyn di muter
makhn a kleydl. nu-nu, vil zi dos mikh aroysshtupn. un ikh hob bay zikh take shtark moyre gehat, az dos vet zikh ir sof-kol-sof ayngebn. nor itst -- ver hert zi? mayn vayb trogt arum aza pitsl, vet zi shoyn nisht konen geyn, ikh hob zikh gefleyst dertsu.... mir iz dos genug shver ongekumen. zi hot mikh getribn fun zikh. "du shleper, du! nokh kinder vilstu onplodzen oyf mayn kop!" -- hot zi mir ale mol gezogt, tsunoyfdreyendik zikh in tsenen. nor vi azoy es zol nisht hobn forgekumen -- ikh bin itst takef. afile antkegn mayn vayb fil ikh zikh shoyn oykh groys. ikh greys zikh, ven zi shteyt antkegn mir mitn
shpitsikn baykhl. ikh fil, az ikh bin a man un zi -- mayn vayb.

fun groys fargenign gey ikh mir yedn oyf-der-nakht nokh vetshere shpatsirn. ikh farleyg mir di hent arunter, shtel aroys mayn boykh (mir dakht zikh, az ikh hob a groysn boykh) un gey pamelekh mit kurtsinke tritelekh, azoy: eyns, tsvey, eyns, tsvey. mikh art nisht: s'meg geyn a regn, a shney, s'meg zayn a levone-nakht. mir iz alts eyns. un khotsh es iz afile kalt, dokh nem ikh arop dos hitl un loz oyf mayn kop luft. ikh hob im nisht faynt, mayn kop: er iz nisht keyn nar, er farshteyt a gesheft.

nokhn shpatsir gey ikh mir arayn in shtub. gey nisht oyf di shpits-finger, nor mit feste trit shpan ikh arayn, shtel zikh avek in mitn shtub un batrakht mayn bisl farmegn: eyns, tsvey, dray: ven nisht
ikh, voltn di dray mentshelekh nisht geven. di dray mentshelekh, vos lign itst un shlofn, zaynen mayne, mayne eygene, mayn blut un fleysh. di dray mentshelekh zaynen ikh. ikh bin -- zey. un dos vayb mayns iz oykh mayn, zi gehert nisht tsu keynem, nor tsu mir. dortn, bay ir ineveynik
in boykh, ligt a shtikl ikh. zaynen mir in eynem? eyns, tsvey, dray; dos vayb -- iz fir: bay ir dos kind -- iz finf: mit mir -- zeks. bin ikh zeks un di zeks bin ikh. ikh farnem ot di gantse shtub, ot ver ikh
bin!!! hot-zhe mir a gute nakht!

* * *

ikh gey opgerisn, ikh klayb zikh shoyn a lengere tsayt tsu zogn mayn vayb, zi zol mir epes vos makhn: vayl itst iz di beste tsayt, un tomer loz ikh durkh ot di tsayt, iz farfaln. ober ikh leyg es op fun eyn mol oyfn andern un di tsayt loyft. ot-ot, a lyade tog falt zi arayn in bet un demolt vet shoyn zayn shpet. azoy lang un azoy breyt, biz ikh hob zikh in eynem a tog farshvorn, az haynt in ovnt muz ikh ir dos zogn.

bald vi zi iz arayngekumen, hob ikh fun ir aropgekhapt dos laybl, dos opgetreyselt fun shney. ikh meg zogn, az der grester kavalir vet azoy nisht geyn arum zayn fraylin, vi ikh arum mayn vayb in dem ovnt. nor gezogt hob ikh nokh alts nisht, khotsh nem un shnayd di tsung. nor ven zi hot ongehoybn zikh oyston oyf leygn zikh shlofn, bin ikh tsugegangen tsu ir un zikh avekgeshtelt vi a soldat, un nokhn opshteyn a por minut hob ikh ir oyf shtum-loshn mit eyn mol gegebn a vayz mayn hoylekh fun
kop biz di fis. zi hot oyf mir a tamevatn kuk geton. meyle, ze ikh shoyn, az zi farshteyt mikh nisht. shtey ikh nokh a por minut un gib irvayter a vayz, gib ikh a beyg on tsu mayne fis un gey aruf mit di hent tsum kop. kukt zi vayter. heyb ikh ir shoyn on bislekhvayz tsu vayzn: ikh gib a heyb oyf eyn fus, vayz ikh ir eyn shukh, nokh dem -- dem tsveytn: nokh dem hob ikh ir gegebn a vayz di hoyzn fun fornt un bald gemakht boyu besholem un gevizn fun hintn: nokh dem hob ikh ir gegebn a vayz eyn elnboygn, a tsveytn, vi zey kukn fun di arbl aroys.

Home
  Page 1  Next    Articles